Brandendur. Mynd: Jón Jónsson, strandir.is.

Laugardaginn 11. júní sást brandandarpar (Tadorna tadorna) með átta unga á Tungugrafarvogunum rétt sunnan Hólmavíkur. Þetta er í fyrsta skipti sem vitað er til að varp brandandar skili árangri á þessu svæði. Undanfarin ár hefur sést til brandanda á svæðinu að vori en í fyrra hélt par sig nær allt sumarið á Tungugrafarvogunum. Í ár hafa einnig haldið til brandendur innar í Steingrímsfirði.

Brandöndin er fremur stór önd og skrautleg. Kjörsvæði hennar eru leirur og á grunnsvæði. Brandöndin var flækingur hér á landi til 1990 en þá verpti hún fyrst í Eyjafirði. Nokkuð brandandarvarp er rétt við Hvanneyri í Andakílnum. Brandöndin hér á landi er líklega að mestu farfugl.